تعالى اقولك تعملى ايه عشان ولادكــ ياكلوا شوربه الخضار

السلام عليكم ورحمه الله وبركاته
بقا فى امهات كتيييييييييييير زى حلاتى بتحتار مع ابنها او بنتها نفسى ياناس ابنى ياكل شوربه خضار
:
وطبعا بنلاقى رد فعل من حبايبنا بالطريقه دى
وتحايلى وتدادى وتعملى فيها كده علشان ياكلو برضو مفيش فاديده طيب
بعد المقدمه الطويله دى اليكى الاحل اللى ان شاء الله هيخلى
ابنك او بنتك هياكلها
بصو بقى كنت قاعده كده فى ساعة تجلى وجاتلى الفكره دى
اوف منك بقى كفايه رغى وادخلى عالمفيد
حاضر بصو بقى انا الطريقه دى قلت اعملها كعينه يعنى عجبتها اعملهالاها تانى معجبتهاش نشوف غيرها اوك
انا نزلت عند الخضرى وجبت الخضار
اما الطريقه نقول المقادير الاول
:2عدد فاصوليا خضرا
5عدد بسله خضرا
1جزره
1كوسه
2م ص زيت
شريحه فراخ بانيه
ممكن تحطى كمان بروكلى او بطاطس
بس بصراحه انا محطتش بطاطس لانها على طول بتاكلها
ونقطعهم نونو خالص وبعدين نحط الزيت فى الحله عالنار لغايه لما يسخن
نقوم منزلين الخضار يتشوح ونفضل نقلب لغايه لما اللون يبدا فى التحمير
وبعدين نقوم مزلين الفراخ تتحمر معاهم ونفضل نقلب لغايه لما يشربو
من بعض بس نقلب على طول علشان متلزقش فى الحله لغايه الدرجه اللى انتى عايزاها
وبعدين نقوم حاطين ربع كوبايه ميه صغيره مش عايزين ميه كتير
وبعدين تغطى الحله وتسيبيهم لغايه لما يستوو مع بعض
ولغايه لما الميه تشرب انا عملتها كده وبنتى اكلت اللى عملته كله ماشاء الله
وخصوصا كمان كانت صاحيه من النوم وجعانه وماكلتهاش بالغصب